Bakı - APA-Economics. “Muğanbank” ASC-nin Ə. Rəcəbli küç. 21B ünvanında yerləşən baş ofisində, oktyabr ayının 30-da, saat 10:00-da adsız istiqrazlar üzrə lotereyanın sayca 40-cı tiraj keçiriləcək.
Bankdan “APA-Economics”ə verilən məlumata görə, məhsula olan yüksək tələbatı və çoxsaylı istiqraz sahiblərinin maraqlarını nəzərə alaraq tirajın gedişi canlı yayımlanır. Canlı yayımı qeyd olunmuş “link”dən izləmək mümkündür.
Adsız istiqrazlar üzrə hər tirajın uduş fondu 562 500 manatdır, uduşlu istiqrazların sayı isə 2 000 ədəd təşkil edir. Maksimum uduş məbləği 50 000 manatdır.
“Muğanbank” ASC-nin istiqraz layihəsi 2009-cu ildə Qiymətli Kağızlar üzrə Dövlət Komitəsində qeydiyyatdan keçib. Bank 50 mln. manat dəyərində 1 mln. ədəd istiqraz emissiya edib. Hər istiqrazın nominal dəyəri 50 manatdır. 10 illik dövriyyə müddətində 80 tiraj keçiriləcəkdir.
İstiqraz sahiblərinə hər bir tiraj barədə məlumat verilir və onların bankın baş ofisinə gələrək hər bir tirajda iştirak etmək hüququ vardır.
Hazırkı məhsulun uduş faizi kifayət qədər yüksəkdir, habelə hər bir istiqraz sahibinə illik 2% gəlir təmin edilir. İstiqraz sahibləri istiqrazlarını istənilən vaxt banka qaytarmaq imkanına malikdirlər. İstiqraz qaytarılarkən nominal məbləğinin üzərinə yuxarıda göstərilən illik faiz əlavə olunur.
Uduşa düşmüş istiqrazların nömrələri ilə “Xalq qəzeti”nin tirajdan sonrakı növbəti nömrəsində, həmçinin, bankın rəsmi saytında tanış ola bilərsiniz.
“Muğanbank” ASC-nin məhsulları və xidmətləri ilə bağlı ətraflı məlumat almaq istəyənlər bankın məlumat mərkəzinə, (012) 933, 564 35 11 telefon nömrələrinə zəng edə bilərlər.
Həmçinin, bankın rəsmi saytı http://www.muganbank.az/, Facebook və Twitter səhifələrini izləməklə bank və onun fəaliyyəti haqqında daim yeni xəbərlərlə tanış ola bilərlər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
