Bakı. Aqşin Rafiqoğlu - APA-Economics. Bu ilin yanvar-mart ayları ərzində Azərbaycanda sənayenin mədənçıxarma bölməsində istehsalın həcmi 3 401,9 mln. manat olmaqla əvvəlki ilin yanvar-mart aylarının səviyyəsini 5,6 faiz üstələyib.
“APA-Economics”in Dövlət Statistika Komitəsinə istinadən verdiyi məlumata görə, ötən rüb ərzində ölkədə 10 669,1 min ton xam neft (qaz kondensatı daxil olmaqla) istehsal olunub. Bu, ötən ilin yanvar-mart ayına nisbətən 1,4% çoxdur. Nəticədə bu ilin aprelin 1-nə 231,3 min ton hazır məhsul ehtiyatı yaranıb.
Bunun 10 545,1 min tonu əmtəəlik xam neftdir ki, bu da daha əvvəlki illə müqayisədə 31,3% çoxdur.
Ötən rüb ərzində ölkədə 7 323,6 mln. kubmetr təbii qaz istehsal olunub. Bu, 2014-cü ilin yanvar-mart aylarının göstəriciləri ilə müqayisədə 3,6% azdır. Bunun da 5 163,4 mln. kubmetr əmtəəlik təbii qazdır ki, bu da ötən ilin eyni dövrü ilə müqayisədə 11,2% çoxdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
