Sosial

Ana səhifə

Sosial

Aygün Kazımovanın efir geyimi və davranışı ilə bağlı Azərbaycan Milli Teleradio Şurasına şikayət göndərilib

30 iyul 2008 12:13 (UTC +04:00)

Məsələn, Aygün Kazımovanın efirdə geyimi və davranışı ilə bağlı vətəndaşların cənab prezidentə ünvanladığı məktub Prezident Aparatından bizə göndərilib. Vətəndaşlardan belə şikayətlər var və biz o məsələyə baxacağıq. Bu məsələ ilə bağlı kanalların rəhbərliyinə bildirəcəyik ki, kimliyindən asılı olmayaraq, hər bir aparıcı efirdə ədəb qaydalarına riayət etməli, ədəb qaydalarından kənara çıxanlar efirə buraxılmamalıdırlar”.
Bu sözləri APA-ya açıqlamasında Milli Televiziya və Radio Şurasının sədri Nuşirəvan Məhərrəmli deyib. O, efirdən deyilən yalanlara görə isə hüquq-mühafizə orqanlarına müraciət edilməli və həmin şəxslərin məhkəmə vasitəsi ilə cəzalandırılmalı olduğunu bildirib: “Biz aparıcıların danışıqları, geyimləri və hərəkətləri Teleradio Şurasının hazırladığı qaydalara uyğun gəlməyəndə məsələyə qarışa bilərik. Başqa sözlə, onların çıxışlarında ədəbsiz ifadələr, söyüşlər səslənərsə, erotik səhnələr olarsa, bizim bu işə müdaxilə etməyimiz mümkündür. Aparıcının səviyyəsinin aşağı olması və digər hallar isə artıq kanalın daxili işidir. Biz daim kanalların monitorinqini aparırıq və aparıcıların səviyyəsinin aşağı olması barədə mən də dəfələrlə danışmışam”. N. Məhərrəmli kanalların müəyyən qaydaları artıq gözlədiklərini deyib: “Bizim qaydalara əsasən, 23.00-dək efirdə erotik səhnəli kadrların, erotik verilişlərin olması, ədəbsiz ifadələrin, söyüşlərin işlənməsi, zorakılıqla müşayiət olunan qəddar filmlərin nümayişi yolverilməzdir”.
Xalq artisti, professor Rafiq Hüseynli də APA-ya açıqlamasında aparıcıların, çıxışçıların efir davranışından və geyimindən narahat olduğunu deyib: “Sözsüz ki, mən bunların qarşısının alınması üçün nəzarətin tərəfdarıyam. Amma bu nəzarət hansı şəkildə, necə olmalıdır? Yaxşı olar ki, ölkənin nüfuzlu şəxslərinin mötəbər iclaslarından birində bu məsələ araşdırılsın. Bu, qanunvericiliklə tənzimlənməməlidir, sadəcə hər kəs efirə çıxanda bilməlidir ki, ədəb-ərkan normaları var və buna riayət olunmalıdır”. Efir mədəniyyətinin birbaşa kanalların rəhbərliyindən asılı olduğunu deyən R. Hüseynli bunu həm də maliyyə məsələsi ilə əlaqələndirib: “Kanal rəhbərliyi ehtiyat edir ki, davranışa, geyimə müəyyən qadağalar qoysa, maliyyə cəhətdən korluq çəkər. Bu məsələlər həmin kanalların özlərində də müzakirə edilir. Çıxışçılar bildirirlər ki, ailə söz-söhbətlərini buna maraq olduğu üçün efirə verir, belə reklamdan pul qazanırlar. Mənim fikrimcə, indi hər hansı qadağa ilə nəyəsə nail olmaq olmaz. Bu məsələni yığışıb müzakirə etmək, ortaq qərar qəbul etmək lazımdır”.

MTRŞ