Sosial

Ana səhifə

Sosial

Azərbaycanda təhsil alan xarici tələbələr Füzulidə olublar

17 dekabr 2008 12:36 (UTC +04:00)

Bakı-APA. Azərbaycanda təhsil alan 17 xarici tələbə Bakı Beynəlxalq Tələbə Klubunun (BBTK) “Qaçqın, Köçkün probleminə yeni yanaşma” layihəsi çərçivəsində “Geriyə-Yurda dogru” devizi ilə 2 gündür ki, Füzuli rayonundadırlar. BBTK-nun prezidenti Aysəba Mirzəyevanın APA-ya verdiyi məlumata görə, layihədə əsas məqsəd Azərbaycanda təhsil alan xarici tələbələrə Qarabağ probleminin mahiyyətini və bu problemin yaratdığı fəsadları olduğu kimi çatdırmaqdır. Məcburi köçkünlər və qaçqınlarla söhbət edən tələbələrin hər biri Bakıya qayıtdıqdan sonra gördükləri və eşitdikləri haqda məqalələr yazacaq. Almaniya, Fransa, Çin, Rusiya, Türkiyə, Pakistan, İraq, Misir, Banqladeş və Nigeriyadan olan tələbələrin bu məqalələri toplanaraq sonda bir neçə dildə kitab nəşr ediləcək. A. Mirzəyeva tələbələrin Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) Füzuli regional ofisində olduqlarını deyib.
Tələblər daha sonra qaçqın və məcburi köçkünlər üçün Horadiz şəhəri yaxınlığında salınmış Zobucuq-1 qəsəbəsində olublar. Bu gün tələbələr ermənilər tərəfindən tamamilə yandırılmış Alxanlı kəndinə baş çəkəcək, Böyük Bəhmənli qəsəbəsində, Beyləqan və Ağdamdakı qəsəbələrdə məskunlaşan qaçqınlarla görüşəcəklər. Növbəti gün isə onlar Tərtər rayonuna səfər edəcəklər.