Sosial

Ana səhifə

Sosial

Millət vəkili Həvva Məmmədovanın Xocalı soyqırımı haqqında kitabının təqdimatı keçirilib

17 fevral 2009 14:26 (UTC +04:00)

Bakı. Elbrus Seyfullayev-APA. Millət vəkili Həvva Məmmədovanın Xocalı soyqırımı haqqında kitabı nəşr olunub. APA-nın xəbərinə görə, bu gün ingilis dilində nəşr olunan kitabın təqdimat mərasimi keçirilib. Tədbirdə çıxış edən Həvva Məmmədova deyib ki, kitabda Xocalı soyqırımı ilə bağlı statistik məlumatlar, erməni əsirliyindən qayıdan şəxslərin söhbətləri, erməni vəhşiliyi barədə qeydlər öz əskisini tapıb.
Millət vəkili qeyd edib ki, kitab bir neçə gündən sonra ABŞ-da keçiriləcək Xocalı həftəsində yayılacaq.
Nəşrin redaktoru, millət vəkili Qənirə Paşayeva kitabın nəşrini yüksək qiymətləndirib. O, kitabın ingilis dilində nəşrinin mühüm əhəmiyyət kəsb etdiyini qeyd edərək bildirib ki, kitab başqa xarici dillərdə də nəşr edilməlidir. Q. Paşayeva kitabın dünyada yaşayan azərbaycanlılar arasında geniş yayılmasının, virtual kitabxanada yerləşdirilməsinin vacib olduğunu da qeyd edib.
Tədbirdə çıxış edən millət vəkili Baba Tağıyev də Xocalı soyqırımı ilə bağlı kitabın nəşrini yüksək dəyərləndirib. Deputat qeyd edib ki, erməni vəhşiliyini əks etdirən bu kimi nəşrlərin dünyada yayılması mühüm əhəmiyyət kəsb edir.