Sosial

Ana səhifə

Sosial

Bu gün Bakıda güclü şimal küləyi əsəcək

29 mart 2009 09:11 (UTC +04:00)

Ekologiya və Təbii Sərvətlər Nazirliyinin Milli Hidrometeorologiya Departamentinin direktor müavini Umayra Tağıyeva APA-ya bildirib ki, Gədəbəydə yağışın miqdarı 9, Daşkəsəndə 7, Tovuz 5, Gəncədə 3, Ağstafa, Zaqatala və Şəkidə 2 mm qeydə alınıb. Martın 28-də havanın temperaturu iqlim normasından 2,5 dərəcə yüksək olub, maksimal temperatur aran rayonlarında 16-19, dağlıq rayonlarda 10-15, Abşeron yarımadasında 10-16, Naxçıvan Muxtar Respublikasında 11-19 dərəcə isti olub.

Martın 29-da Bakı və Abşeron yarımadasında havanın tutqun keçəcəyi, gün ərzində güclü şimal küləyinin əsəcəyi gözlənilir. Küləyin maksimal sürəti saniyədə 15-20, arabir 23-28 metrə çatacaq. Havanın temperaturu gündüz 10-13, axşam 4-6 dərəcə isti olacaq. Martın 30-da havanın arabir açılacağı gözlənilir. Küləkli hava davam edəcək, lakin sürəti martın 29-a nisbətən azalaraq saniyədə 12-17, arabir 20 metrə çatacaq. Havanın temperaturu gecə 4-6, gündüz 12-14 dərəcə isti olacaq. Martın 31-də havanın əsasən yağmursuz keçəcəyi gözlənilir. Şimal küləyinin sürəti saniyədə 10-14, arabir 16 metr olacaq. Havanın temperaturu gecə 3-5, gündüz 11-14 dərəcə isti olacaq.

Martın 30-da Azərbaycanın rayonlarında əsasən gecə və səhər saatlarında bəzi yerlərdə yağış yağacağı ehtimalı var. Havanın temperaturu gecə 2-7, gündüz 13-18 dərəcə isti, dağlarda gecə 2 dərəcə şaxtadan 3 dərəcəyədək isti, gündüz 8-13 dərəcə isti qeydə alınacaq.

Martın 31-də havanın əsasən yağmursuz keçəcək, lakin gecə və axşam bəzi cənub-şərq rayonlarında yağış yağacağı gözlənilir. Havanın temperaturu gecə 3-8, gündüz 13-18 dərəcə isti, dağlarda gecə 1 dərəcə şaxtadan 4 dərəcəyədək isti, gündüz 9-14 dərəcə isti olacaq.