Sosial

Ana səhifə

Sosial

Azərbaycan ərazisində yağışlar davam edəcək

23 sentyabr 2009 09:11 (UTC +04:00)

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, havanın temperaturu gündüz 20-22, axşam 17-19 dərəcə isti olacaq.

Sentyabrın 24-də havanın buludlu olacağı, sentyabrın 23-dən 24-nə keçən gecə yarımadanın bəzi yerlərində qısamüddətli yağış yağacağı ehtimalı var. Səhər və gündüz hava dəyişkən buludlu, əsasən yağmursuz keçəcək, şimal-qərb küləyi əsəcək, arabir nisbətən güclənəcək. Havanın temperaturu gecə 16-18 dərəcə, gündüz 21-23 dərəcə isti olacaq.

Sentyabrın 25-də hava dəyişkən buludlu, əsasən yağmursuz olacaq, cənub küləyi əsəcək, gündüz arabir nisbətən güclənəcək. Havanın temperaturu gecə 16-18 dərəcə, gündüz 23-26 dərəcə isti olacaq.

Sentyabrın 26-da havanın dəyişkən buludlu, əsasən yağmursuz olacağı, axşam buludluluğun artacağı gözlənilir. Cənub-qərb küləyi əsəcək, arabir nisbətən güclənəcək, axşam şimal-qərb küləyinə keçəcək. Havanın temperaturu gecə 17-20 dərəcə, gündüz 24-27 dərəcə isti olacaq.

Azərbaycanın rayonlarında sentyabrın 24-də arabir yağış yağacağı gözlənilir. Əsasən şimal və şərq rayonlarında yağışın gecə və səhər intensiv olacağı ehtimalı var. Qərb küləyi əsəcək, arabir güclənəcək. Havanın temperaturu gecə 14-17 dərəcə, gündüz 20-24 dərəcə, dağlarda gecə 4-9 dərəcə, gündüz 14-18 dərəcə isti olacaq.

Sentyabrın 25-26-da hava, əsasən, yağmursuz keçəcək. Lakin gecə və axşam saatlarında bəzi dağlıq və dağətəyi rayonlarda yağış yağacağı ehtimalı var. Cənub-qərb küləyi əsəcək, dağlarda arabir güclənəcək. Havanın temperaturu gecə 15-19, gündüz 24-28, dağlarda gecə 7-10, gündüz 15-20 dərəcə isti olacaq.

hava