Sosial

Ana səhifə

Sosial

Hava şəraitində ciddi dəyişiklik gözlənilmir

12 oktyabr 2009 09:11 (UTC +04:00)

Bakı. Kəmalə Quliyeva – APA. Bakıda və Abşeron yarımadasında oktyabrın 12-də hava dəyişkən buludlu, yağmursuz olacaq. Cənub küləyi əsəcək, arabir güclənəcək. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, havanın temperaturu gündüz 21-25, axşam 17-19 dərəcə isti olacaq.

Oktyabrın 13-də havanın dəyişkən buludlu olacağı, gündüz arabir tutulacağı gözlənilir. Gecə və səhər yarımadanın bəzi yerlərində qısamüddətli az yağış yağacağı ehtimalı var. Cənub küləyi əsəcək, gündüz arabir güclənəcək. Havanın temperaturu gecə 14-17, gündüz 22-25 dərəcə isti olacaq.

Oktyabrın 14-də hava dəyişkən buludlu, əsasən yağmursuz keçəcək. Cənub küləyi əsəcək. Gecə 15-17, gündüz 23-25 dərəcə isti olacaq.

Oktyabrın 15-də hava dəyişkən buludlu, əsasən yağmursuz keçəcək. Şimal küləyi əsəcək, gündüz arabir güclənəcək. Gecə 15-17, gündüz 23-26 dərəcə isti olacaq.

Azərbaycanın rayonlarında oktyabrın 13-də havanın, əsasən yağmursuz keçəcəyi gözlənilir. Gecə və səhər ayrı-ayrı yerlərdə duman olacaq. Qərb küləyi əsəcək. Havanın temperaturu gecə 13-17, gündüz 20-25, dağlarda gecə 5-10, gündüz 12-17 dərəcə isti olacaq.

Oktyabrın 14-15-də də hava, əsasən yağmursuz keçəcək. Lakin 13-dən 14-nə keçən gecə bəzi yerlərdə qısamüddətli yağış yağacağı ehtimalı var. Qərb küləyi əsəcək, 15-də gündüz arabir güclənəcək. Gecə 13-18, gündüz 21-26, dağlarda gecə 6-11, gündüz 13-18 dərəcə isti olacaq.

Tibbi-meteoroloji proqnoz əsasən, yaxın 3 gün ərzində Abşeron yarımadasında hava şəraitinin mülayim və sabit keçməsi gözlənilir ki, bu da əksər meteohəssas insanlar üçün əlverişli sayıla bilər.

hava