Sosial

Ana səhifə

Sosial

Azərbaycanın bəzi rayonlarında qar yağacaq

14 dekabr 2009 09:21 (UTC +04:00)

Cənub-qərb küləyi əsəcək, günün ikinci yarısında şimal-qərb küləyi ilə əvəz olunacaq. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, havanın temperaturu gündüz 10-13 dərəcə, axşam 5-8 dərəcə isti olacaq.

Dekabrın 15-də buludlu hava şəraiti üstünlük təşkil edəcək. Yarımadanın bəzi yerlərində havanın yağıntılı olacağı gözlənilir. Güclü şimal-qərb küləyi əsəcək, gündüz mülayimləşəcək. Gecə 2-4 dərəcə, gündüz 5-7 dərəcə isti olacaq.

Dekabrın 16-da havanın buludlu, yarımadanın bəzi yerlərində az yağıntılı olacağı, gündüz arabir açılacağı, əsasən yağmursuz keçəcəyi gözlənilir. Cənub-qərb küləyi əsəcək, yarımadanın bəzi yerlərində güclənəcək. Havanın temperaturu gecə 3-5 dərəcə, gündüz 6-9 dərəcə isti olacaq.

Dekabrın 17-də havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Cənub-qərb küləyi axşam şimal-qərb küləyi ilə əvəz olunacaq.
Gecə 3-6 dərəcə, gündüz 9-11 dərəcə isti olacaq.

Azərbaycanın rayonlarında dekabrın 15-də havanın yağıntılı olacağı, bəzi yerlərdə sulu qar, dağlıq və dağətəyi rayonlarda qar yağacağı gözlənilir. Səhər ayrı-ayrı yerlərdə duman olacaq, şimal-qərb küləyi əsəcək. Havanın temperaturu gecə 1-4 dərəcə, gündüz 6-10 dərəcə isti, dağlarda gecə 2-7 dərəcə şaxta, gündüz 2 dərəcə şaxtadan 3 dərəcəyədək isti olacaq.

Dekabrın 16-17-də gündüz saatlarında hava, əsasən yağmursuz keçəcək, lakin gecə və axşam bəzi yerlərdə yağıntılı olacağı, dağlıq ərazilərdə qar yağacağı gözlənilir. Cənub-qərb küləyi əsəcək, ayrı-ayrı yerlərdə arabir güclənəcək. Gecə 3-5 dərəcə isti, gündüz 8-13 dərəcə isti, dağlarda gecə 0-5 dərəcə şaxta, gündüz 1-6 dərəcə isti olacaq.

Tibbi-meteoroloji proqnoza əsasən, yaxın 3 gün ərzində Abşeron yarımadasında atmosfer təzyiqinin normadan yüksək olması, sonrakı 2 gündə isə normadan xeyli aşağı enməsi meteohəssas insanlarda narahatlıq hissi yarada bilər.

hava