Sosial

Ana səhifə

Sosial

«Donuz qripi» məsələsi tarixin ən böyük fırıldağı kimi qiymətləndirilir

18 yanvar 2010 10:58 (UTC +04:00)

Bakı. Nicat Mustafayev – APA-Economics. «Donuz qripi» (A/H1N1 virusu) virusunun yayılması məsələsi tarixin ən böyük fırıldağı adlandırıla bilər.

«APA-Economics»in məlumatına görə, Avropa Şurası gəlir əldə etmək üçün «donuz qripi» ətrafında panika yaratmaqda şübhəli bilinən əczaçı şirkətlər arasında yoxlamalar aparmağı planlaşdırır. Belə ki, Avropa Şurasının Parlament Assambleyası (AŞPA) Ümumdünya Səhiyyə Təşkilatını və əczaçıları əlbir olaraq bu məsələni şişirtməkdə təqsirləndirir. Artıq yanvar ayı ərzində AŞPA-da bununla bağlı dinləmələr aparılacaq: «Əgər əvvəllər pandemiya əhalinin əhəmiyyətli hissəsinin xəstələnməsi və ölümünə səbəb olan xəstəlik hesab edilirdisə, artıq indi pandemiya sərhədləri keçən və immuniteti olmayan hər hansı bir xəstəlik hesab edilir. Bu da, bir çox ölkənin vaksinlərin gətirilməsinə dair sənədləri gözü yumulu imzalamasına səbəb olub. Nəticədə, əczaçı şirkətlər heç bir risk olmadan yüksək gəlir əldə edib».

Qeyd edək ki, artıq vaksinlərdən Fransa, Almaniya, Böyük Britaniya, İspaniya, Hollandiya, İsveçrə, Belçika kimi ölkələr imtina edib.

Xatırladaq ki, «donuz qripi» dərdinə dərman sayılan «tamiflyu» preparatının satışından və bu dərmanın lisenziyasına malik olan İsveçrənin «Roche» əczaçı şirkəti 2008-ci ildə 600 mln. ABŞ dolları, 2009-cu ildə isə 2,6 mlrd. dollar qazanıb.