Sosial

Ana səhifə

Sosial

Britaniyanın viza məsələləri üzrə regional meneceri: “Yeni qaydalar dünya standartlarına uyğun təhsil almaq istəyən həqiqi xarici tələbələrə ziyan vurmayacaq” - MÜSAHİBƏ

01 aprel 2010 09:50 (UTC +04:00)

- Azərbaycan mentalitetinə görə uşaqlar, xüsusən qız uşaqları valideynləri və ya digər yaxın qohumlarının nəzarəti altında olur. Hökumətinizin qərarı Azərbaycandan Britaniyaya gedən tələbələrin sayına təsir edə bilərmi?

- Yeni qaydalar dünya standartlarına uyğun təhsil almaq istəyən həqiqi xarici tələbələrə ziyan vura bilməz. Birləşmiş Krallıq dünya təhsil sistemində güclü nüfuza malikdir və tələbə cəlb etmək üçün yaxşı imkanları var. Bu imkanlar təkcə keyfiyyətli təhsillə kifayətlənmir, tələbələr həm də yeni insanlarla tanış olmaq, yeni mədəniyyətləri öyrənmək imkanı əldə edirlər. Bu isə dünyanın müxtəlif yerlərindən olan insanlar arasında uzun sürən dostluq əlaqələrinin yaranmasına səbəb olur və bizə bir-birimizin mədəniyyətini daha yaxşı tanımaq imkanı verir.

- Tələbələrin ailə üzvlərinin işləməsi üçün istisna hallar varmı?

- İstisna odur ki,hazırlıq kursunda və ya ondan yuxarı kursda, eləcə də bakalavr dərəcəsi almaq üçün oxuyan tələbələrin ailə üzvləri “Code 1” əlavəsinə uyğun olaraq iş tapmaqda sərbəstdirlər.

- Semestr ərzində iş saatı 10 saata qədər məhdudlaşdırılıb. Bu qədər iş saatı müqabilində alınacaq vəsait tələbənin hansı ehtiyaclarını ödəyə bilər?

- “Points Based Tier 4” sxeminə uyğun olaraq Birləşmiş Krallığa gələnlərin əsas məqsədi təhsil almaqdır. Potensial tələbələr qəbul sertifikatını (Certificate of Acceptance of Studies - CAS) almaqla yanaşı, kurs haqqını (9 ay və az) və ya ilk təhsil ilinin (9 aydan çox) haqqını, eyni zamanda ən azı 9 aylıq yaşayış xərclərini ödəmək imkanına malik olduqları haqqında sənəd təqdim etməlidirlər. Onlar 9 aylıq və daha az müddətli kurslarda təhsil almaq və bu müddətdə hər təqvim ayında yaşayış xərclərini qarşılamaq üçün 800 funt-sterlinqə malik olduqlarını göstərməlidirlər. Tələbələr Birləşmiş Krallığa gəlməzdən öncə yerlərində adekvat maliyyə imkanlarına malik olmalıdırlar. Britaniyada həyatlarını təmin etmək üçün bakalavr dərəcəsi və hazırlıq kursunda (yaxud ondan yuxarı kursda) oxuyan tələbələrə semestr ərzində günün bir hissəsində (həftədə 20 saat), tətillərdə isə tam iş günü işləməyə icazə verilir. Birincı dərəcə səviyyəsindən aşağı və ya hazırlıq kursunda oxuyan tələbələr isə semestr ərzində yalnız 10 saat işləyə bilərlər.

- Hazırda Britaniyada nə qədər azərbaycanlı tələbə təhsil alır?

- Bu günə olan məlumata görə, 2010-cu ildə biz 87 tələbənin ərizəsini qəbul etmişik.

- Keçən ilin martında xarici tələbələrin təhsil alması ilə bağlı qəbul edilmiş qaydalar azərbaycanlı tələbələrin sayına təsir edibmi? 2008-ci illə müqayisədə 2009-cu ildə təhsil almaq üçün Azərbaycandan Britaniya gedən tələbələrin sayında hansı fərq olubmu?

- 2008-ci ildə 605 tələbə ərizə vermişdi. 2009-cu ildə isə 771 ərizə olub.

britaniya_təhsil