Sosial

Ana səhifə

Sosial

“Laçın Azərbaycanın qədim diyarıdır” mövzusunda dəyirmi masa keçirilib

14 may 2010 08:58 (UTC +04:00)

Bakı. Elnur Məmmədli – APA. Laçın rayonunun Ermənistan tərəfindən işğalının 18-ci ildönümü ilə bağlı “Laçın Azərbaycanın qədim diyarıdır” mövzusunda dəyirmi masa keçirilib. APA-nın məlumatına görə, Miqrant və Məcburi Köçkünlərin Hüquqlarının Müdafiəsi İctimai Birliyinin sədri Nadir Abdullayev Laçının işğalı nəticəsində Azərbaycana 7,1 milyard dollar məbləğində maddi ziyanın dəydiyini deyib. Laçının qədim mədəniyyət, memarlıq və dini abidələrlə zəngin olduğunu söyləyən natiq, bu abidələrin hamısının ermənilər tərəfindən qarət edildiyini, erməniləşdirildiyini vurğulayıb: “Digər işğal olunmuş ərazilərlə müqayisədə Laçın rayonunda erməniləşdirmə daha çox aparılıb. 10 mindən çox erməni Laçında məskunlaşdırılıb, adı dəyişdirilib, erməni kilsələri tikilib”.

“Azərbaycanın işğal olunmuş ərazilərinin tarix və mədəniyyət abidələrinin müdafiəsi” təşkilatının sədri Faiq İsmayılov isə bildirib ki, 18 il müddətində ermənilər Laçında onlarla yer adını dəyişiblər. O, bu vaxta qədər adları və görünüşü dəyişdirilmiş tarixi və dini abidələrin fotolarını tədbir iştirakçılarına nümayiş etdirib.

Tədbirdə Laçın, Ağdam, Şuşa, Füzuli rayonlarının icra hakimiyyətlərinin, Ombudsman Aparatının nümayəndələri də çıxış ediblər.