Sosial

Ana səhifə

Sosial

“Neft və mədəniyyət - xalqın sərvəti kimi” adlı beynəlxalq konfransın Bəyannaməsi qəbul olunub

24 noyabr 2010 10:31 (UTC +04:00)

Bakı. İlhamə İsabalayeva – APA. Bakıda noyabrın 23-də başlayan “Neft və mədəniyyət - xalqın sərvəti kimi” adlı beynəlxalq elmi-praktik konfransın yekunları əsasında Bəyannamə qəbul olunub. APA-nın xəbərinə görə, Mədəniyyət və Turizm Nazirliyinin sektor müdiri Asif Usubəliyev deyib ki, Azərbaycan və Rusiyanın mədəniyyət nazirliklərinin birgə təşkil etdiyi konfransda neft və mədəniyyət sahəsində qarşılıqlı əməkdaşlıq məsələləri müzakirə edilib. Naziri Əbülfəs Qarayev bildirib ki, bu tədbir iki ölkə arasında təcrübə mübadiləsi istiqamətində atılan addımlardan biridir: “Azərbaycanın təcrübəsi bir çox ölkələr üçün maraqlıdır. Biz öz təcrübəmizi bölüşməyə hazırıq”.

Ə. Qarayev Milli Məclisin bu konfransın Bəyannaməsinə diqqət yetirəcəyinə, neft və mədəniyyət arasındakı qarşılıqlı əlaqələrin gələcəkdə qanuni bazada öz əksini tapacağına ümid etdiyini söyləyib. Nazir onu da əlavə edib ki, analoji forumların növbəti illərdə Rusiyada keçirilməsi yaxşı olardı.

Rusiya Dövlət Dumasının Mədəniyyət Komitəsinin sədri Qriqori Yeliyev də neft sahəsindəki əlaqələrin gücləndirilməsi üçün mədəniyyət sahəsindəki əlaqələrin möhkəmləndirilməsini vacib sayıb.