Sosial

Ana səhifə

Sosial

Azərbaycan ərazisində “quş qripi” ilə bağlı monitorinq başlayıb

29 noyabr 2010 13:11 (UTC +04:00)

Bakı. İlhamə İsabalayeva – APA. Kənd Təsərrüfatı Nazirliyi yanında Dövlət Baytarlıq Xidməti (DBX) köçəri quşların miqrasiyasını nəzərə alaraq “quş qripi” ilə bağlı ölkə ərazisində dekabrın 13-də keçirilməsi nəzərdə tutulan monitorinqə bu gündən başlayıb. Dövlət Baytarlıq Xidmətindən APA-ya verilən məlumata görə, monitorinq Abşeron yarımadasında, Şabran, Salyan, Ağcabədi və Lənkəran rayonlarındakı milli park və qoruqlarda, eləcə də dənizsahili zonalarda aparılacaq. Monitorinqdə Ekologiya və Təbii Sərvətlər, Səhiyyə nazirliklərinin, eləcə də Ovçular və Balıqçılar Cəmiyyətinin mütəxəssisləri iştirak edir. Monitorinq müddətində seçmə üsulla ovlanacaq köçəri quşlardan, həmçinin ölkəmizin ayrı-ayrı quşçuluq və həyətyanı təsərrüfatlarda saxlanılan quşlardan nümunələrin götürülməsi nəzərdə tutulur.

DBX əhalinin və quşçuluq təsərrüfatı rəhbərlərinin nəzərinə çatdırır ki, köçəri quşların miqrasiyası ilə əlaqədar ev və sənaye quşları mütləq qapalı şəraitdə saxlanılmalı və baytarlıq-sanitariya qaydalarına ciddi əməl olunmalıdır.

Monitorinqin nəticələri dekabrın 10-da açıqlanacaq.