Bank Of Baku

Ombudsman BMT QAK-ın Azərbaycandakı nümayəndəsini qəbul edib

Ombudsman BMT QAK-ın Azərbaycandakı nümayəndəsini qəbul edib
# 11 fevral 2011 15:34 (UTC +04:00)
Bakı – APA. Azərbaycanın insan hüquqları üzrə müvəkkili Elmira Süleymanova BMT-nin Qaçqınlar üzrə Ali Komissarlığının (BMT QAK) Azərbaycandakı nümayəndəsi Arun Salo Nqarmı onun xahişi ilə qəbul edib. Ombudsman Aparatından APA-ya verilən məlumata görə, görüşdə ombudsmanla BMT QAK arasında qaçqın və məcburi köçkünlərin hüquqlarının müdafiəsi üzrə əməkdaşlığın davam etdirilməsi və daha da genişləndirilməsi, gələcək fəaliyyət perspektivləri haqqında fikir mübadiləsi aparılıb.

Müvəkkil qaçqın və məcburi köçkünlərin hüquqları sahəsində birgə layihələrin həyata keçirilməsini, müvafiq işçi qrupunun yaradılmasını, Ombudsman Aparatının əməkdaşlarının da bu qrupun işinə qatılmasını təklif edib. O, qonağı sayca doqquzuncu olacaq ombudsmanların növbəti Bakı konfransına dəvət edərək bu tədbirdə qaçqın və məcburi köçkünlərin problemlərinin həllinin də müzakirəsini vacib sayıb.

Qonaq ombudsmana faydalı fikir mübadiləsi, səmərəli təkliflər üçün minnətdarlığını bildirərək qarşılıqlı əməkdaşlığın daha da inkişaf etdiriləcəyini söyləyib.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR