Sosial

Ana səhifə

Sosial

Azərbaycan prezidenti və xanımı Bakıda Zabitlər parkının açılış mərasimində iştirak ediblər

16 mart 2011 17:54 (UTC +04:00)

Bakı-APA. Azərbaycan Respublikasının Prezidenti İlham Əliyev və xanımı Mehriban Əliyeva martın 16-da Bakıda Zabitlər parkının açılış mərasimində iştirak ediblər. Bu barədə APA “Azərtac”a istinadən məlumat verir.
Prezident İlham Əliyev və xanımı Mehriban Əliyeva Zabitlər parkına gəliblər.
Dövlət başçısına parkda görülən işlər və yaradılan şəraitlə bağlı məlumat verilib. Bildirilib ki, 4 hektar ərazisi olan parkda abadlaşdırma işlərinə 2009-cu ildə başlanılıb. Ərazidə mövcud olan çoxyaşlı ağaclar saxlanılmaqla burada əlavə yaşıllaşdırma tədbirləri həyata keçirilib. Parkda yeni işıqlandırma sistemi quraşdırılıb, sakinlərin istirahəti üçün müxtəlif guşələr yaradılıb. Qeyd edilib ki, parkda yerli mütəxəssislər tərəfindən daşdan yonulmuş yeni fəvvarə quraşdırılıb. Ərazidə yumşaq örtüklü, xüsusi tərtibatı ilə seçilən uşaq meydançası yaradılacaqdır. Parkda, həmçinin 700 kvadratmetrlik örtülü buz meydançasının, xarici görkəmi və orijinal tərtibatı ilə diqqəti cəlb edən buz kafesinin binasının da inşa olunduğu bildirilib.
Dövlət başçısı və xanımı parkın yenidənqurma işlərindən əvvəlki vəziyyətini əks etdirən fotoalboma baxıblar.
Azərbaycan prezidenti İlham Əliyev və xanımı Mehriban Əliyeva parkın ərazisində həyata keçirilən yenidənqurma işləri və burada yaradılan şəraitlə yaxından tanış olublar.