Sosial

Ana səhifə

Sosial

“Azərbaycanın ictimai-siyasi həyatında qadınların rolu” mövzusunda dəyirmi masa keçirilib

19 aprel 2011 13:02 (UTC +04:00)

. APA-nın məlumatına görə, DİP sədri Asim Mollazadə cəmiyyətdə qadınların rolunun daha da möhkəmlənməsinin əhəmiyyətini vurğulayıb. O, toplantıda səslənən fikirlərin ölkə rəhbərliyinin diqqətinə çatdırılacağını söyləyib.

APA İnformasiya Agentliyinin baş direktoru Vüsalə Mahirqızı deyib ki, bu tipli tədbirlər cəmiyyətə yeni anlayışın gəlməsi deməkdir: “Qadınlara vəzifə verilməsi qadına münasibəti dəyişməyəcək. Bununla razı deyiləm. Qadın nazir də, icra hakimiyyəti başçısı da ola bilər. Lakin ölkədə Şərq cəmiyyəti stereotipləri qalır. Təfəkkür dəyişməlidir. Zaman bunu dəyişdirəcək. Bu məsələdə mətbuatın da üzərinə yük düşür”.

V. Mahirqızı bildirib ki, Azərbaycanda məişət zorakılığının olmadığı deyilsə də, bu, həqiqətə uyğun deyil. Onun sözlərinə görə, hüququnu bilən qadın məişət zorakılığı ilə qarşılaşa bilməz: “Bu mövzu istiqamətində həyata keçiriləcək layihələrə mən və rəhbərlik etdiyim media orqanı dəstək verməyə hazırdır”.

Sonra çıxış edən Milli Məclisin deputatları Elmira Axundova, Gülər Əhmədova, Qənirə Paşayeva, “Azəri-Türk” Qadınlar Birliyinin sədri Tənzilə Rüstəmxanlı, Ailə, Qadın və Uşaq Problemləri üzrə Dövlət Komitəsinin sədr müavini Aynur Sofiyeva və ABŞ-ın Azərbaycandakı səfirinin həyat yoldaşı Zeyno Brayza (Baran) da cəmiyyətdə qadının rolu haqqında danışıblar.