Sosial

Ana səhifə

Sosial

Cəzaçəkmə müəssisələrində aparılan monitorinqlərin nəticələrinə həsr olunan tədbir keçirib

27 iyul 2011 10:54 (UTC +04:00)

Bakı. Azər Mustafayev – APA. ”Azadlıqdan Məhrumetmə Yerlərinin Müşahidəsi” İctimai Birliyi cəzaçəkmə müəssisələrində aparılan monitorinqlərin nəticələrinə həsr olunmuş tədbir keçirib. APA-nın məlumatına görə tədbirdə çıxış edən birliyin sədri Kamil Səlimov monitorinqin nəticələri barədə məlumat verərək bildirib ki, cəzaçəkmə müəssisələrində cəza çəkənlərin işlə məşğul olmaları üçün şərait yaradılmalıdır: “Məsələn, Təhsil Nazirliyinin sifarişi ilə müəssisələrdə məktəblər üçün stol, stul və s. hazırlamaq olar. Nəticədə məhkumların fiziki və hüquqi şəxslərə vurduqları maddi ziyanı ödəmək mümkün olar”.

Ədliyyə Nazirliyi yanında Penitensiar Sistemə Nəzarət üzrə İctimai Komitənin üzvü Nazir Quliyev isə qeyd edib ki, 2007-ci il mayın 10-da cəzaçəkmə müəssisələrində sosial adaptasiya mərkəzləri yaradılıb: “Cəzadan şərti azad olmada penitensiar xidmətin rolu artırılmalıdır. Penitensiar xidmətdə məhkumların şikayət etmə mexanizmi olmalıdır”.

Tədbirdə həmçinin, İctimai Komitənin üzvü Şahin Camalov, Penitesiar Xidmətin əməkdaşı Adil Ağayev, Ədliyyə Nazirliyinin Cəzaçəkmə müəssisələrinə nəzarət idarəsinin əməkdaşı İsa Kazımov, Ombudsman Aparatının əməkdaşı Mahmud Məmmədov çıxış ediblər.

cəzaçəkmə müəssisəsi