Sosial

Ana səhifə

Sosial

Avqust ayında havanın orta aylıq temreraturunun iqlim normasından yüksək olacağı gözlənilir

30 iyul 2011 12:16 (UTC +04:00)

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, avqust ayı ərzində yağıntıların pespublika ərazisində qeyri-bərabər paylanması proqnozlaşdırılır. Aylıq yağıntının miqdarının iqlim normasına yaxın, bəzi yerlərdə isə normadan bir qədər çox olacağı ehtimal olunur.

Birinci ongünlüyün ortalarında arabir güclənən şimal küləyinin üstünlüyü temperaturun ötən günlərə nisbətən aşağı enəcəyinə və norma daxilində tərəddüd edəcəyinə səbəb olacaq.

Avqustda Bakıda və Abşeron yarımadasında orta aylıq temperatur 27-28 dərəcə isti gözlənilir ki, bu da iqlim normasından 1-2 dərəcə yüksəkdir. Gecələr 19-24 dərəcə isti təşkil edəcək. Gündüzlər 30-35 dərəcə isti olacaq, ayrı-ayrı günlərdə 38-40 dərəcəyədək yüksələcək. Aylıq yağıntının miqdarının iqlim normasına yaxın olacagı gözlənilir.

Naxçıvan Muxtar Respublikasında orta aylıq temperatur 26-28 dərəcə isti gözlənilir ki, bu da iqlim normasına yaxın və 1 dərəcə yüksəkdir. Gecələr 18-23, gündüzlər 30-35 dərəcə isti gözlənilir, ayrı-ayrı günlərdə isə hərarət 38-42 dərəcəqədək yüksələcək. Aylıq yağıntının miqdarının iqlim normasına yaxın olacagı gözlənilir.

Yuxarı Qarabağ, Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən-Gədəbəy zonalarında orta ayliq temperatur 18-20 dərəcə isti gözlənilir ki, bu da iqlim normasından yüksəkdir. Gecələr 11-16 dərəcə isti təşkil edəcək. Gündüzlər 20-25, ayrı-ayrı günlərdə 29-34 dərəcəyədək yüksələcək. Aylıq yağıntının miqdarının iqlim normasına yaxın, bəzi yerlərdə isə bir qədər çox olacagı gözlənilir.

Qazax-Gəncə, Goranboy, Tər-Tər, Ağdam-Ağcabədi-Füzuli-Cəbrayılda orta qylıq temperatur 25-26 dərəcə isti gözlənilir ki, bu da iqlim normasına yaxın və 1 dərəcə yüksəkdir. Gecələr 8-23 dərəcə isti təşkil edəcək. Gündüzlər 30-35 dərəcə isti olacaq, ayrı-ayrı günlərdə 37-39 dərəcəyədək yüksələcək. Aylıq yağıntının miqdarının iqlim normasına yaxın, bəzi yerlərdə isə bir qədər çox olacagı gözlənilir.

Balakən-Zaqatala- Qax-Şəki-Oğuz-Qəbələ, İsmayıllı- Şamaxı-Xızı, Siyəzən, Şabran, Quba-Qusar-Xaçmaz zonalarında orta aylıq temperatur 23-25 dərəcə isti gözlənilir ki, bu da iqlim normasına yaxın və 1-2 dərəcə yüksəkdir. Gecələr 6-21 dərəcə isti təşkil edəcək. Gündüzlər 27-32 dərəcə isti, ayrı-ayrı günlərdə 34-37 dərəcəyədək yüksələcək. Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı gözlənilir.

Mərkəzi-Aran, Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında orta aylıq temperatur 26-28 dərəcə isti gözlənilir ki, bu da iqlim normasına yaxın və 1 dərəcə yüksəkdir. Gecələr 19-24 dərəcə isti təşkil edəcək. Gündüzlər 32-37 dərəcə isti, ayrı-ayrı günlərdə 40-42 dərəcəyədək yüksələcək. Aylıq yağıntının miqdarının iqlim normasına yaxın olacagı gözlənilir.

Masallı-Lənkəran-Astara, Lerik-Yardımlı zonasında orta aylıq temperatur 25-27 dərəcə isti gözlənilir ki, bu da iqlim normasına yaxın və 1 dərəccə yüksəkdir.Gecələr 18-23 dərəcə isti təşkil edəcək. Gündüzlər 29-34 dərəcə isti, ayrı-ayrı günlərdə 36-38 dərəcəyədək yüksələcək. Aylıq yağıntının miqdarının iqlim normasına yaxın olacagı gözlənilir.