Sosial

Ana səhifə

Sosial

“Stepan Şaumyan – Unudulmağa məhkum edilmiş – “əfsanəvi kommunarın” retuşsuz portreti” kitabının təqdimatı keçirilib

11 aprel 2012 11:23 (UTC +04:00)

Bakı. Kəmalə Quliyeva-APA. Bakı Dövlət Universitetinin (BDU) tarix fakultəsində tarix elmləri doktoru, professor Eldar İsmayılovun “Степан Шаумян – обреченный на забвение –портрет «легендарного коммунара» без ретуши» (“Stepan Şaumyan – Unudulmağa məhkum edilmiş – “əfsanəvi kommunarın” retuşsuz portreti” kitabının təqdimatı keçirilib.

APA-nın məlumatına görə, tədbirdə çıxış edən BDU-nun rektoru Abel Məhərrəmov bildirib ki, S. Şaumyanla bağlı kitabın nəşri çox aktualdır: “Daşnaksütun” partiyası 1890-cı ildə Tiflisdə yaradılıb və “dənizdən-dənizə” dövlət yaratmaq ideyasını qarşıya qoyub. Bu ideyanın ən fəal, azərbaycanlılara qarşı xüsusi qəddarlığı ilə seçilən icraçılarından biri Şaumyan olub. Sovet dövründə onu həmişə böyük bolşevik, kommunist kimi qələmə veriblər, amma o antiazərbaycan siyasətinin ən böyük qəhrəmanı olub. 1905-ci il qırğınlarından tutmuş Xocalı faciəsinə qədər Daşnaksütun partiyasının fəaliyyəti Azərbaycan xalqına qarşı yönəlib. Bu, bizim tariximizdə heç vaxt doğru, düzgün əks olunmayıb”.

E. İsmayılov isə qeyd edib ki, düşmənə qarşı daha yaxşı mübarizə aparmaq üçün onu yaxından tanımaq lazımdır. Kitab da məhz S. Şaumyanın kimliyini açmaq, azərbaycanlılara qarşı fəaliyyətini geniş araşdırmaq üçün yazılıb.