Kür çayının səviyyəsində artım müşahidə olunur
20 aprel 2012 13:41 (UTC +04:00)
Bakı. Sevil Zeynalqızı-APA. Aprelin 14-dən 20-dək Kür çayının aşağı axınında suyun səviyyəsində artım müşahidə olunub. APA-nın məlumatına görə, bu barədə Ekologiya və Təbii Sərvətlər Nazirliyinin Milli Hidrometeorologiya Departamentinin respublikanın çaylarında və transsərhəd çaylarda mövcud vəziyyətə dair açıqladığı məlumatda bildirilir. Məlumata əsasən, Surra məntəqəsində suyun səviyyəsi 57, Şirvanda 77, Salyanda 70, Bankədə 24, Araz çayının Novruzlu məntəqəsində isə 22 santimetr artıb. Səviyyələrin artmasına baxmayaraq hazırda sabit sululuq müşahidə olunur. Hazırda Surra məntəqəsində suyun səviyyəsi 569, Şirvanda 474, Salyanda 393, Bankədə 288, Araz çayının Novruzlu məntəqəsində isə 246 santimetrdir.
Hazırda Böyük Qafqazın çaylarında sululuq ongünlük normanın 120-230, Kiçik Qafqazın çaylarında 120-190, Lənkəran-Astara bölgəsi çaylarında 45-65, Naxçıvan MR çaylarında isə 60-65 faizini təşkil edir. Kür çayının Qıraqkəsəmən məntəqəsində su sərfi 644 kubmetr/saniyə olmaqla, ongünlük normanın 87 faizini təşkil edir. Qanıx çayının Əyriçay məntəqəsində isə su sərfi 237 kubmetr/saniyə olmaqla, ongünlük normanın 141 faizinə bərabərdir.
Hazırda Böyük Qafqazın çaylarında sululuq ongünlük normanın 120-230, Kiçik Qafqazın çaylarında 120-190, Lənkəran-Astara bölgəsi çaylarında 45-65, Naxçıvan MR çaylarında isə 60-65 faizini təşkil edir. Kür çayının Qıraqkəsəmən məntəqəsində su sərfi 644 kubmetr/saniyə olmaqla, ongünlük normanın 87 faizini təşkil edir. Qanıx çayının Əyriçay məntəqəsində isə su sərfi 237 kubmetr/saniyə olmaqla, ongünlük normanın 141 faizinə bərabərdir.
Sosial
Bakıda sərnişin avtobusları qəza törədib, xeyli sayda yaralı var - FOTO
16:49
19 may 2024
Sabahın havası meteohəssas insanlar üçün əlverişlidir
16:31
19 may 2024
2023-cü ildə 0-17 yaş aralığında 190 nəfər şəxsdə talassemiya xəstəliyi aşkar edilib
15:56
19 may 2024
Azərbaycanın bəzi rayonlarında yollarda görünüş məsafəsi məhdudlaşacaq
15:50
19 may 2024