Sosial

Ana səhifə

Sosial

Azərbaycan paytaxtında dəyişkən buludlu, yağmursuz hava şəraiti davam edəcək - YENİLƏNİB

Azərbaycan paytaxtında dəyişkən buludlu, yağmursuz hava şəraiti davam edəcək - <font color=red>YENİLƏNİB</font>

23 aprel 2012 08:20 (UTC +04:00)

Bakı. Sevil Zeynalqızı-APA. Bakı və Abşeron yarımadasında müşahidə olunan duman cənub küləyinin əsməsi və dənizdən rütubətli havanın şəhərə daxil olması ilə əlaqədardır. Bu gün günorta saatlarında şimal küləyinin arabir güclənməsi ilə bağlı duman çəkiləcək.

Bu barədə APA-ya Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev bildirib. Onun sözlərinə görə, bu gün Bakıda və Abşeron yarımadasında hava dəyişkən buludlu, əsasən yağmursuz olacaq. Şimal küləyi əsəcək və günün ikinci yarısında arabir güclənəcək. Havanın temperaturu bu gün, ayın 24 və 25-də gündüz saatlarında 20-25 dərəcə isti təşkil edəcək: “Bu gün əsən şimal küləyi ayın 24-də də müşahidə olunacaq. Ayın 25-də isə gündüz cənub-şərq küləyi ilə əvəz olunacaq”.

Azərbaycanın rayonlarında bu gün hava əsasən yağmursuz keçəcək. Lakin aprelin 24-də gecə və axşam bəzi dağlıq və dağətəyi rayonlarda şimşək çaxacağı, qısa müddətli yağış yağacağı gözlənilir. Havanın temperaturu gecə 10-15, gündüz 23-28, dağlarda gecə 5-10, gündüz 14-19 dərəcə isti olacaq.

Aprelin 25-də bölgələrdə əsasən gecə və axşam saatlarında bəzi dağlıq və dağətəyi rayonlarda şimşək çaxacağı, qısamüddətli yağış yağacağı gözlənilir. Şərq küləyi əsəcək.
Havanın temperaturu gecə 10-15, gündüz 23-28, dağlarda gecə 5-10, gündüz 15-20 dərəcə isti olacaq.

hava