Sosial

Ana səhifə

Sosial

Qəbələdə “Udilər: dünən, bu gün və sabah” mövzusunda beynəlxalq elmi-praktik konfrans keçirilib

01 may 2012 20:04 (UTC +04:00)

Qəbələ. Elvin Yaqubov-APA. Qəbələ rayonun Nic qəsəbəsində “Udilər: dünən, bu gün və sabah” mövzusunda beynəlxalq elmi-praktik konfrans keçirilib.
APA-nın məlumatına görə konfransda Prezident Administrasiyasının ictimai-siyasi məsələlər şöbəsinin milli azlıqlarla iş sektorunun müdiri Müzəffər Talıblı, Milli Məclisinin deputatı Fəttah Heydərov, rayon icra hakimiyyətinin başçısı Səbuhi Abdullayev, “Orain” Udi Mədəniyyət Mərkəzinin rəhbəri Oleq Danakari, AMEA-nın Tarix İnstitutunun şöbə müdiri professor Qasım Hacıyev, BDU-nun tarix fakultəsinin dekanı Azad Rzayev, Alban-Udi Xristian İcmasının sədri Robert Mobili, Rusiya, Qazaxıstan, Belarus, Şaxta, Krasnodar, Moskva Udi İcmasının sədrləri çıxış ediblər. Natiqlər ölkəmizdə yaşayan milli azlıqların dillərinin, adət-ənənələrinin, milli mədəniyyətlərinin qorunması, inkişaf etdirilməsi sahəsində görülən işlərdən danışıb, milli azlıqların, etnosların hər bir azərbaycanlı kimi bərabər hüquqlu vətəndaş olduğunu diqqətə çatdırıblar.
Bildirilib, Nic kkəndi tolerantlığın kiçik bir modeli hesab edilir. Kənddə 3 kilsə, iki məscid vardır. Hər məhəllədə müsəlman və xristianların ziyarət etdiyi 5-7 pir vardır. Altı min əhalisi olan kənddə 3700 udi yaşayır. Azərbaycanda 4000 udi yaşayır ki, onların 300-ü Oğuz və Bakıda qeydiyyatdadır. Dünyada yaşayan udinlərin sayı isə 10 minə yaxındır. Kənddə udilər öz dilini, dinini, adət-ənənələrini 2500 ildir ki, qoruyub saxlayırlar. Hər il Nic kəndində yaşayan udilər “Pasxa” və “Kala Axsibay” bayramlarını təntənə ilə qeyd edirlər. Kənddəki məktəblərin ibtidai siniflərində udi dili tədris olunur, kilsədə dini ayinlər onların ana dilində icra edilir.