Sosial

Ana səhifə

Sosial

Sumqayıtda «Azərikimya»nın təşkilatçılığı ilə mini-futbol üzrə şəhər turniri keçirilir - FOTO

Sumqayıtda «Azərikimya»nın təşkilatçılığı ilə mini-futbol üzrə şəhər turniri keçirilir - <font color=red>FOTO</font>

02 may 2012 14:35 (UTC +04:00)

Bakı - APA-Economics. Sumqayıt şəhər Paralimpiya İdman Kompleksində Heydər Əliyevin anadan olmasının 89-cu ildönümünə həsr olunmuş mini-futbol üzrə Sumqayıt şəhər birinciliyinin açılış mərasimi keçirilib.

“APA-Economics”in xəbərinə görə, 2012-ci il - «İdman ili» çərçivəsində keçirilən, idmanın mini-futbol növünün kütləviləşdirilməsi və əməkçilərin asudə vaxtlarının səmərəli təşkilinə xidmət edən yarışlarda şəhərin 30-dək müəssisəsinin, o cümlədən «Azərikimya» İstehsalat Birliyi, Sumqayıt Texnologiyalar Parkı, «Bismak» Qida-sənaye kompleksi, «Azərboru» ASC, FHN-in Sumqayıt şöbəsi, Sumqayıt Dövlət Universiteti, Beynəlxalq Bank və “Bank of Baku”, şəhər Təhsil və Səhiyyə şöbələrinin, Elektrik şəbəkəsi və Qaz-istismar İdarəsinin komandaları birincilik uğrunda mübarizəyə qoşulublar.

Sumqayıt şəhər rəhbərliyinin, millət vəkillərinin və şəhər ictimaiyyəti nümayəndələrinin iştirak etdiyi tədbir Azərbaycanın dövlət himninin səsləndirilməsi ilə açıq elan edilib, gənc müğənnilərin bir-birindən maraqlı çıxışları ilə davam etdirilib. İştirakçıların alqış sədaları altında yarışda iştirak edən komandalar zala daxil olub.

Rəsmi hissədən sonra mərasim iştirakçıları Paralimpiya İdman kompleksinin mini-futbol meydançasında komandaların nümunəvi oyununa tamaşa ediblər.

«Azərikimya» İB-nin 2 komanda ilə təmsil olunduğu yarışlar hər birində 7 komanda olmaqla 4 yarımqrup üzrə şəhərin 4 mini-futbol meydançasında keçiriləcək, mayın 10-da – Heydər Əliyevin ad günündə yarışlara yekun vurulacaq.

«Azərikimya» İB-nin və şəhər Gənclər və İdman Baş İdarəsinin təşkilatçılığı və dəstəyi ilə keçirilən yarışlar AFFA tərəfindən ayrılmış xüsusi hakimlər briqadası tərəfindən idarə olunacaq. I, II, III və IV yeri tutmuş komandalar qiymətli hədiyyələr və «Azərikimya» İB-nin, həmçinin şəhər Gənclər və İdman Baş İdarəsinin fəxri fərmanları ilə təltif olunacaqlar.