Sosial

Ana səhifə

Sosial

Misir Mərdanovun “Azərbaycan təhsil tarixi” kitabının təqdimat mərasimi keçirilib - FOTOSESSİYA

Misir Mərdanovun “Azərbaycan təhsil tarixi” kitabının təqdimat mərasimi keçirilib - <font color=red>FOTOSESSİYA</font>

03 may 2012 09:47 (UTC +04:00)

Bakı Sevil Zeynalqızı - APA. Bakıda təhsil naziri Misir Mərdanovun “Azərbaycan təhsil tarixi” kitabının təqdimat mərasimi keçirilib. APA-nın məlumatına görə, tədbirdə çıxış edən Yeni Azərbaycan Partiyasının (YAP) sədr müavini, icra katibi Əli Əhmədov bildirib ki, Azərbaycanın təhsili bu gün yeni inkişaf mərhələsinə çatıb: “Azərbaycanda çox təhsilli, bilikli, müasir dünyanın fəal üzvünə çevriləcək gənclərimiz formalaşıb. Burada Azərbaycan məktəblərinin böyük rolu var”.

Ə. Əhmədov deyib ki, Azərbaycan təhsilinin öyrənilməsinə, tarixinin araşdırılmasına ehtiyac var: “Tarixin əhəmiyyətli hissəsi olan təhsil tarixinin araşdırılması sahəsində müəyyən boşluqlar mövcuddur. Azərbaycanda ən az tədqiq olunan sahə təhsil sahəsidir. Bu sahədə ciddi araşdırmaların aparılmasına ehtiyac var”.

M. Mərdanov müəlliflik etdiyi kitabın 3 cildli olduğunu, kitabların hazırlanmasına Heydər Əliyevin tapşırığı ilə başlandığını söyləyib: “Mən 10 il ərzində bu kitabların üzərində işləmişəm. Prezidentin razılığı və Yeni Azərbaycan Partiyasının dəstəyi ilə kitabların təqdimatına toplaşmışıq. Kitabın 3 cildi hazırdır, 4-cü cildi isə artıq mətbəədə yığılır”.

Nazirin sözlərinə görə, kitabın 1-ci cildində 1920-ci ilədək Azərbaycanın təhsil tarixi ilə bağlı məlumatlar əks olunub: “Kitabın II cildi sovet dövründəki təhsil tarixi haqqındadır. III cilddə isə Azərbaycanın müstəqillik illərində ölkəmizin təhsil tarixi və görülən işlər barədə geniş məlumatlar verilib. Təəssüf ki, I cild digərlərindən az səhifəli və az məlumatlıdır. Çünki arxivdə o qədər də ciddi məlumatlar tapa bilmədik. Əgər gələcəkdə bizim və digər naşirlərin, yaxud müəlliflərin imkanı olarsa, daha geniş tədqiqat apara bilərlər”.

Tədbirdə Milli Məclisinin sədr müavini Bahar Muradova, Bakı Dövlət Universitetinin rektoru Abel Məhərrəmov, Bakı Slavyan Universitetinin rektoru Kamal Abdulla və digər çıxışçılar da Azərbaycanın təhsil tarixi haqqında fikirlərini bölüşüblər.