Sosial

Ana səhifə

Sosial

Milli təhlükəsizlik orqanları Heydər Əliyevin anadan olmasının 89-cu ildönümünü qeyd ediblər – FOTO

Milli təhlükəsizlik orqanları Heydər Əliyevin anadan olmasının 89-cu ildönümünü qeyd ediblər – <font color=red>FOTO </font>

07 may 2012 13:31 (UTC +04:00)

Bakı-APA. Milli təhlükəsizlik naziri, general-leytenant Eldar Mahmudov başda olmaqla Milli Təhlükəsizlik Nazirliyin (MTN) şəxsi heyəti Heydər Əliyevin anadan olmasının 89-cu ildönümü münasibətilə Fəxri xiyabanda onun məzarını ziyarət edib, məzar önünə əklil qoyublar. MTN-in İctimai Əlaqələr Mərkəzindən APA-ya verilən məlumata görə, daha sonra akademik Zərifə Əliyevanın məzarı ziyarət edilib. Sonra MTN-in Heydər Əliyev adına Akademiyasında təntənəli mərasim keçirilib. Əvvəlcə nazir Eldar Mahmudov və rəhbər heyət Heydər Əliyevin abidəsinin önünə gül dəstələri qoyublar. Milli təhlükəsizlik naziri Eldar Mahmudov mərasimdə çıxış edərək bildirib ki, ümummilli lider Heydər Əliyev Azərbaycan xalqının ən nadir şəxsiyyətlərindən və dünya siyasət aləminin parlaq simalarındandır: “O, müasir Azərbaycanın qurucusu, onun müstəqil dövlət kimi əbədi yaşamasının təminatçısıdır. Məhz buna görə hər il ümummilli lider Heydər Əliyevin anadan olduğu gün ümumxalq bayramı kimi qeyd edilir”.
Sonra çıxış edən Akademiyanın rəisi Ziya Yusifzadə bildirib ki, müstəqil Azərbaycan dövlətçiliyinin banisi və qurucusu Heydər Əliyevin xalqın qarşısında xidmətləri misilsizdir. Çıxışlar bitdikdən sonra kursantlar təntənəli marşla tribunanın önündən keçiblər.

MTN