Sosial

Ana səhifə

Sosial

Rusiya ali məktəblərinin Azərbaycan vətəndaşları üçün boş qalmış yerlərinə qəbul imtahanı keçirilib - FOTO

Rusiya ali məktəblərinin Azərbaycan vətəndaşları üçün boş qalmış yerlərinə qəbul imtahanı keçirilib - <font color=red>FOTO</font>

29 may 2012 14:33 (UTC +04:00)

Moskva. Fərid Əkbərov - APA. Azərbaycan Tələbə Qəbulu üzrə Dövlət Komissiyası (TQDK) Ümumrusiya Azərbaycanlıları Konqresi (ÜAK) ilə birlikdə Rusiya ali məktəblərinə Azərbaycan vətəndaşları üçün boş qalmış yerlərə qəbul imtahanı keçirib. APA-nın Moskva müxbirinin verdiyi məlumata görə, qəbul imtahanı Moskva Dövlət Ticarət-İqtisadiyyat Universitetində təşkil olunub.

ÜAK-ın baş katibi Mikayıl Hüseynov bu il Rusiyada yaşayan 95 nəfər abituriyentin qəbul imtahanlarında iştirak etdiyini söyləyib. O bildirib ki, ən böyük müsabiqə tibb ixtisası üzrə olub: “Tibb ixtisası üzrə 3 yerə 38 nəfər sənəd verib. Humanitar ixtisaslar üzrə ayrılmış 9 yerə 24 nəfər, texniki ixtisaslar üzrə ayrılmış 8 yerə 14 nəfər, iqtisadiyyat üzrə 8 yerə 23 nəfər sənəd verib”.

M. Hüseynov qəbul imtahanlarının nəticələrinin sabah Moskva vaxtı ilə saat 12:00-da açıqlanacağını söyləyib.

Qeyd edək ki, bu il Rusiya ali məktəblərinin azərbaycanlılar üçün ayrılmış yerlərinə 23 gənc qəbul olunub. Rusiya Federasiyasının ali təhsil müəssisələrinə müsabiqənin ikinci mərhələsinin nəticələrinə əsasən Rusiya Xarici İşlər Nazirliyinin Moskva Dövlət Beynəlxalq Əlaqələr İnstitutuna 3 nəfər, digər ali təhsil müəssisələrinin I qrup ixtisasları üzrə 4 nəfər , II qrup üzrə 5 nəfər, III qrup üzrə 5 nəfər, IV qrup üzrə 6 nəfər qəbul olunub.

Rusiyanın ali təhsil müəssisələrində bu il Azərbaycan gəncləri üçün 30 yer ayrılıb. Onlardan 9-u I qrup, 6-sı II qrup, 9-u III qrup, 6-sı IV qrup üzrədir.