Qənirə Paşayeva BMT-nin İqtisadi Sosial Şurasının yüksək səviyyəli toplantısında iştirak edəcək

Qənirə Paşayeva BMT-nin İqtisadi Sosial Şurasının yüksək səviyyəli toplantısında iştirak edəcək
# 30 iyun 2012 13:45 (UTC +04:00)
Bakı. Rəşad Süleymanov – APA. Azərbaycan Milli Məclisinin deputatı Qənirə Paşayeva ABŞ-ın Nyu-York şəhərində BMT-nin İqtisadi Sosial Şurasının - ECOSOC-un yüksək səviyyəli toplantısında iştirak edəcək. Bu barədə APA-ya Milli Məclisin mətbuat xidmətindən məlumat verilib.

BMT-nin Baş Qərargahında keçiriləcək tədbirdə minilliyin məqsədlərinə nail olunması üçün kasıblığın aradan qaldırılması yolları araşdırılacaq. Bütün səviyyələrdə əsaslı, dayanıqlı və bərabər iqtisadi inkişaf çərçivəsində bacarıqların və faydalı işlərin dəstəklənməsinə diqqət yönəldiləcək. Toplantıda xarici ölkələrin BMT-dəki nümayəndələri, beynəlxalq təşkilatların və donorların nümayəndələri iştirak edəcəklər.

ECOSOC-un yüksək səviyyəli toplantısı çərçivəsində qurumun xüsusi məşvərətçi statuslu üzvü olan Beynəlxalq Avrasiya Mətbuat Fondu işgüzar görüş keçirəcək. Həmin görüşdə Azərbaycanın təmsilçiləri, o cümlədən deputat Qənirə Paşayeva “2015-ci ilə kimi Minilliyin İnkişaf Məqsədlərinə nail olmaq üçün Azərbaycan hökumətinin vətəndaş cəmiyyətləri ilə birgə fəaliyyəti” mövzusunda çıxış edəcək. Səfər iyulun 7-də başa çatacaq.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR