Sosial

Ana səhifə

Sosial

İyul ayında havanın orta aylıq temperaturu iqlim normasına yaxın olacaq

02 iyul 2012 11:21 (UTC +04:00)

Bakı. Sevil Zeynalqızı-APA. İyul ayında havanın orta aylıq temperaturunun iqlim normasına yaxın və bir qədər yüksək olacağı gözlənilir. Ekologiya və Təbii Sərvətlər Nazirliyinin mətbuat xidmətindən APA-ya verilən məlumata görə, yağıntıların respublika ərazisində qeyri-bərabər paylanması gözlənilir. Aylıq yağıntının miqdarının əksər rayonlarda normaya yaxın, bəzi yerlərdə isə bir qədər çox olacağı ehtimal olunur.

Bakıda və Abşeron yarımadasında orta aylıq temperatur 27-29 dərəcə isti gözlənilir ki, bu da iqlim normasına yaxın və bir qədər yüksəkdir. Gecələr 21-26, gündüzlər 30-35, ayrı-ayrı günlərdə 37-40 dərəcəyədək isti olacaq. Aylıq yağıntının miqdarının iqlim normasına yaxın olacağı gözlənilir.

Naxçıvan MR-da orta aylıq temperatur 26-29 dərəcə isti gözlənilir ki, bu da iqlim normasına yaxın və bir qədər yüksəkdir. Gecələr temperatur 17-22, gündüzlər 31-36 olacaq, ayrı-ayrı günlərdə 38-42 dərəcəyədək yüksələcək. Aylıq yağıntının miqdarı iqlim normasına yaxın olacaq.

Yuxarı Qarabağ, Xankəndi, Şuşa, Xocalı, Xocavənd, Qubadlı, Zəngilan,
Laçın, Kəlbəcər və Daşkəsən, Gədəbəy rayonlarında orta aylıq temperatur 19-23 dərəcə isti olacaq ki, bu da iqlim norması daxilindədir. Gecələr 12-17, gündüzlər 23-28, ayrı-ayrı günlərdə 31-36 dərəcəyədək isti gözlənilir. Aylıq yağıntının miqdarının iqlim normasına yaxın olacağı proqnozlaşdırılır.

Qazax-Gəncə, Goranboy, Tər-Tər, Ağdam, Füzuli, Cəbrayıl rayonlarında orta aylıq temperatur 25-28 dərəcə isti olacaq, bu da iqlim normasına yaxın və bir qədər yüksəkdir.

Gecələr temperatur 18-23 dərəcə isti təşkil edəcək. Gündüzlər 29-34 isti olacaq, ayrı-ayrı günlərdə temperatur 37-41 dərəcəyədək yüksələcək. Aylıq yağıntının miqdarının iqlim normasına yaxın olacaq.

Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında orta aylıq temperatur 24-27 dərəcə təşkil edəcək ki, bu da iqlim normasına yaxın və bir qədər yüksəkdir. Gecələr temperatur 15-20 dərəcə isti təşkil edəcək. Gündüzlər 27-32 dərəcə isti olacaq, ayrı-ayrı günlərdə 34-38 dərəcəyədək yüksələcək. Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı gözlənilir.

Mərkəzi-Aran bölgəsində - Ağdaş, Mingəçevir, Yevlax, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında orta aylıq temperaturun 27-30 dərəcə isti olacağı gözlənilir ki, bu da iqlim normasına yaxın və bir qədər
yüksəkdir. Gecələr 20-25, gündüzlər 31-36, ayrı-ayrı günlərdə 39-42 dərəcəyədək isti olacaq.

Yağıntı aylıq yağıntının miqdarının iqlim normasına yaxın, bəzi yerlərdə isə bir qədər çox olacağı gözlənilir.

Masallı, Lənkəran, Astara, Lerik və Yardımlı rayonlarında orta aylıq temperatur 26-28 dərəcə isti olacaq, bu da iqlim normasına yaxın və bir qədər yüksəkdir. Gecələr 19-24, gündüzlər 28-33 dərəcə isti olacaq, ayrı-ayrı günlərdə 36-39 dərəcəyədək yüksələcək. Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı gözlənilir.