Sosial

Ana səhifə

Sosial

Kişinyovda MDB ölkələrinin sosial sığorta təşkilatları rəhbərləri dəyirmi masa keçirilib

02 aprel 2007 14:57 (UTC +04:00)

Kişinyov şəhərində (Moldova) Beynəlxalq Sosial Təminat Assosiasiyasının (BSTA), Pensiya və Sosial Fondların Beynəlxalq Assosiasiyasının (PSFBA) və Moldovanın Milli Sosial Sığorta Kassasının təşkilatçılığı ilə MDB-yə daxil olan ölkələrin sosial sığorta təşkilatları rəhbərlərinin iştirak etdiyi “Yeni BSTA-ya gedən yolda” devizi altında “Qloballaşma şəraitində sosial təminatın aktiv rolu” mövzusunda dəyirmi masa keçirilib.
Dövlət Sosial Müdafiə Fondunun ictimaiyyətlə əlaqələr şöbəsindən “APA-Economics”ə verilən məlumata görə, tədbirdə BSTA-nın yeniləşməsi, 2005-ci ilin sentyabrın 7-9-da Bakıda BSTA-nın və PSFBA-nın “Qloballaşma şəraitində əmək miqrantlarının sosial müdafiəsi” mövzusunda keçirdiyi Avropa toplantısında (24 ölkənin nümayəndələrinin iştirakı ilə) qəbul edilən Bakı Bəyannaməsinin icrası üzrə iştirakçı ölkələrin müvafiq qurumları tərəfindən görülən işlər müzakirə edilib. Dəyirmi masada Azərbaycanı təmsil edən DSMF-nın sədr müavini Zakir Babayev Azərbaycanda çalışan əmək miqrantlarının sosial müdafiəsi (onların məcburi dövlət sosial sığortasına cəlb edilməsi və gələcək pensiya təminatı) ilə bağlı ölkəmizin müvafiq qanunvericiliyinə dəyişiklik edildiyini bildirib və iştirakçı dövlətlərin nümayəndələrini bununla əlaqədar öz qanunvericiliklərində dəyişiklik etməyə və əmək miqrantlarının sığorta-pensiya hüquqlarını tanıyan ikitərəfli sazişlərin bağlanılmasını tezləşdirmək məqsədi ilə səylərini artırmağa çağırıb. /APA-Economics/