Sosial

Ana səhifə

Sosial

“Təhlükəsizliyin öz əlindədir” layihəsi ilə bağlı mətbuat konfransı keçirilib

09 aprel 2007 11:13 (UTC +04:00)

Azərbaycan Könüllülər İctimai Birliyi (AKİB) “Təhlükəsizliyin öz əlindədir” layihəsi ilə bağlı mətbuat konfransı keçirib. APA-nın məlumatına görə, AKİB-in baş direktoru Asim Əliyev bildirib ki, bu günə qədər dünyada 200 min adamın HİV/QİÇS-dən ölüb, hər 5 dəqiqə ərzində isə bir insan bu xəstəliyə yoluxur. O, virusla mübarizə aparmaq üçün cəmiyyətin səfərbər olmasının zəruriliyini də vurğulayıb: “Xəstəliyə yoluxanların sayının çoxluğunu nəzərə alıb, başqa mübarizə metodları axtarırıq. Hesab edirik ki, artıq bədii vasitələrdən istifadə etməklə insanlara bu xəstəlik və virusa yoluxma haqda məlumat vermək olar”. Tədbirin sonunda isə HİV/QİÇS-lə mübarizəyə həsr olunan hər iki klip mətbuat nümayəndələrinə təqdim olunub. /APA/