Sosial

Ana səhifə

Sosial

Salyan rayonunun bir sıra kənd bələdiyyələri Dövlət Neft Şirkətinə müraciət ediblər

27 iyun 2007 15:24 (UTC +04:00)

Salyan rayonunun Yolüstü, Aydıngül, Varlı 1, Varlı 2, Peyk və Kürsəngi kəndlərinin bələdiyyələri Azərbaycan Dövlət Neft Şirkətinə müraciət ediblər. Aydıngül bələdiyyəsinin sədri Qulu Novruzovun APA-ya verdiyi məlumata görə, müraciətdə “Salyan Oil” şirkətinin istismar etdiyi Əlibayramlı-Salyan yolundan şirkət istiqamətinə gedən yolun təmir olunması xahiş edilir. Q. Novruzov bildirib ki, adları çəkilən kəndlərdə 15 minə qədər adam yaşayır. “Salyan Oil” şirkətinin həmin kəndlərdən keçən yoldan istifadə etməsi nəticəsində yolların bərbad hala salındığını deyən bələdiyyə sədri bununla bağlı İqtisad Məhkəməsinə müraciət etdiyini deyib: “Amma İqtisad Məhkəməsi bizim iddiamızı təmin etmədi. “Salyan Oil” şirkəti Azərbaycan hökuməti ilə bağladığı müqavilədə yolun istismara yararlı vəziyyətdə saxlanması ilə bağlı öhdəlik götürüb. Amma bu öhdəlik yerinə yetirilmir”. Q. Novruzov məsələ ilə bağlı millət vəkili Fəzail Ağamalıya da müraciət edildiyini bildirib. O, yolun təmir olunmayacağı halda sakinlərin etiraz aksiyası keçirəcəklərini və yolu bağlayacaqlarını deyib. /APA/