Sosial

Ana səhifə

Sosial

Ombudsman nümayəndələri polis orqanlarının müvəqqəti saxlanma təcridxanalarında monitorinq keçiriblər

03 iyul 2007 16:28 (UTC +04:00)

Ombudsman Aparatının əməkdaşları Daxili İşlər Nazirliyinin (DİN) İnsan Alverinə Qarşı Mübarizə İdarəsinin Müvəqqəti Saxlanma Təcridxanasına, Bakı Şəhər Baş Polis İdarəsinin inzibati həbs olunanların saxlama məntəqəsinə, Nəqliyyatda Baş Polis İdarəsinin Biləcəridəki müvəqqəti saxlanma təcridxanasına, Yasamal Rayon Polis İdarəsinin müvəqqəti saxlanma təcridxanasına, həmin idarənin 26, 27,28 və 29-cu polis bölmələrinə, Binəqədi Rayon Polis İdarəsinin müvəqqəti saxlanma təcridxanasına, bu idarənin 6 və 40-cı polis bölmələrinin növbətçi hissələri yanında saxlama yerlərinə baxış keçiriliblər. Aparatın mətbuat xidmətindən APA-ya verilən məlumata görə, Ombudsman nümayəndələri saxlanılan şəxslərlə görüşərək təkbətək söhbət aparıb, onların saxlama şəraitini araşdırıb, hüquqlarını izah ediblər. Bu şəxslərin vəkillə təmin olunması, şübhəli şəxs qismində saxlanılarkən onlara insan hüquqlarının izah edilməsi, polis orqanlarında saxlanılan vaxt prokuror nəzarəti aparılmasının vəziyyəti araşdırılıb. Söhbət aparılan şəxslər saxlanıldıqları müddət ərzində onlara qarşı zorakılığa, insan ləyaqətini alçaldan kobud rəftara yol verilmədiyini, saxlama şəraitindən, həmçinin polis əməkdaşlarının onlarla rəftarından şikayətlərinin olmadığını bildiriblər. /APA/