Sosial

Ana səhifə

Sosial

Yaponiya hökuməti Azərbaycanda daha iki qrant layihəsini maliyyələşdirəcək

25 dekabr 2007 10:51 (UTC +04:00)

APA-nın məlumatına görə, layihələrdən biri Yaponiya hökumətinin maliyyələşdirdiyi “Ot kökləri və insan təhlükəsizliyi” layihəsi çərçivəsində Beyləqan ərazisində Xocavənd rayonu üçün orta məktəb binasının tikintisini (dəyəri 86 min ABŞ dolları), digəri isə “Mədəniyyət üzrə qrant yardım proqramı” çərçivəsində Azərbaycan Karate-do Assosiasiyasının karate alətlərinin təkmilləşdirilməsini (dəyəri 86 min 205 ABŞ dolları) nəzərdə tutur. Yaponiyanın Azərbaycandakı səfiri Masamitsu Oki bildirib ki, Yaponiya demokratiyanın və bazar iqtisadiyyatının inkişafına dəstək məqsədilə 1992-ci ildən Azərbaycana texniki yardımlar edir. O xatırladıb ki, “Ot kökləri və insan təhlükəsizliyi” layihəsi çərçivəsində edilən yardımların əksəriyyəti məktəb tikintisi və bərpası ilə bağlı olub. Azərbaycanda idmanın inkişafına yönəlmiş ikinci qrant layihəsi barədə danışan səfir deyib ki, Azərbaycan idmançılarının karate-do yarışlarında qələbə qazanmaq üçün kifayət qədər potensialı var. Təhsil naziri Misir Mərdanov isə Azərbaycanın təhsil sisteminə verdiyi dəstəyə görə Yaponiya hökumətinə minnətdarlığını bildirib. /APA/