Sosial

Ana səhifə

Sosial

Azərbaycanda “Müxtəliflikdən Birliyə” layihəsi həyata keçiriləcək

11 aprel 2008 13:29 (UTC +04:00)

Bakı. Ülkər Qasımova-APA. Mədəniyyət və Turizm Nazirliyi ”Azad Gənclər” İctimai Birliyi və "Gəncliyin Şöləsi" Gənclərin İnkişafı İctimai Birliyi ilə birgə "Müxtəliflikdən Birliyə" adlı layihə həyata keçirəcək. Nazirliyin mətbuat katibi Zöhrə Əliyeva APA-ya bildirib ki, layihənin keçirilməsində əsas məqsəd mədəniyyətlərarası təhsil vasitəsi ilə Azərbaycan gənclərinə mədəniyyətlərarası dialoq və əlaqələrin öyrədilməsinə və etnik gənclərlə ünsiyyət qurmalarına kömək olmaq, “Müxtəliflikdən Birliyə” Gənclər Kompaniyası aparmaqla milli azlıqlara mənsub olan gənclər arasında tolerantlıq və bütövlük ideyasının daha da möhkəmləndirilməsidir. Kampaniya bu ilin aprel-iyun aylarında milli azlıqların yaşadığı Azərbaycanın beş bölgəsində - Lənkəran, Quba, Zaqatala, İsmayıllı və Qəbələdə keçiriləcək. Layihə zamanı hər bir regionda 25 gəncin iştirakı ilə xüsusi seminarlar və kampaniyalar təşkil olunacaq. Hər seminarda iştirak etmiş 8 aktiv gənc Bakıda keçiriləcək “Mədəniyyətlərarası dialoq günləri” adlı gənclər görüşündə iştirak edəcək.