“Bu il III qrupda Azərbaycan və rus bölməsində 600 baldan yuxarı nəticə göstərən abituriyentlərin sayı 555 nəfərdir, bu, çox yüksək rəqəmdir”.
APA-nın xəbərinə görə, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə bildirib.
Onun sözlərinə görə, bu abituriyentlərin hamısı dövlət sifarişli yerləri seçməyə meyllidir: “Bunların arasında hüquqşünaslığa getmək istəyənlər ödənişlini də seçə bilərlər. Keçən il hüquqşünaslıq (tədris ingilis dilində) üzrə keçid balı 650,4 bal, hüquqşünaslıq Dövlət İdarəçilik Akademiyasında 640,9 bal idi”.