Azərbaycanda iqlim dəyişmələri üzrə Milli məlumat bazası yaradılacaq.
APA xəbər verir ki, bu, Prezident İlham Əliyevin sərəncamı ilə təsdiq edilən “2022─2026-cı illərdə sosial-iqtisadi inkişaf Strategiyası”nın Tədbirlər Planı”nda əksini tapıb.
Sənəddə bildirilib ki, Ekologiya və Təbii Sərvətlər Nazirliyi (ETSN) müvafiq qurumlarla birlikdə 2026-cı ilədək iqlim dəyişmələri üzrə Milli məlumat bazasının istifadəyə verilməsini təmin etməlidir.
Nazirliyə 2022-2024-cü illər ərzində “Aşağıkarbonlu inkişaf üzrə Dövlət Proqramı”nın hazırlanması da tapşırılıb.
ETSN eyni zamanda 2022-2026-cı illər ərzində İqlim dəyişmələrinin təsirlərinə daha həssas sektorlar üzrə Milli Adaptasiya Planının hazırlanmasını və İqlim dəyişmələrinə həssas sektorlar üzrə Milli Adaptasiya Planının təsdiq olunmuş mərhələlərinə uyğun icrasını təmin etməlidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
