Birinci Qarabağ müharibəsində itkin düşən, 30 ildən sonra kimliyi müəyyən edilən şəhid Zahid Ziyad oğlu Abbasovun qalıqları dəfn edilib.
APA-nın cənub bürosunun verdiyi xəbərə görə, Zahid Ziyad oğlu Abbasovun qalıqları ailəsinə təhvil verilib.
Şəhidlə, Lerik rayonunun Laman kəndində vida mərasimi keçirilib. Vida mərasimində şəhidin yaxınları, kənd sakinləri, rayonun rəhbər şəxsləri, şəhid ailələri, qazi və veteranlar iştirak edib.
Şəhidin qalıqları hərbi orkestrin müşayiəti ilə Laman kənd qəbiristanlığında torpağa tapşırılıb, yaylım atəşi açılıb.
Qeyd edək ki, Birinci Qarabağ müharibəsində itkin düşən Zahid Ziyad oğlu Abbasovun Gəncədəki Şəhidlər xiyabanında naməlum şəhid kimi dəfn olunduğu aşkarlanıb və kimliyi müəyyən edilib.
Zahid Abbasov 1993-cü ildə həqiqi hərbi xidmətə yola düşüb. Kəlbəcərdə, Murovdağ silsiləsində döyüşən Zahid Abbasovun o istiqamətdə itkin düşdüyü bildirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
