İşğaldan azad olunmuş ərazilərdə kəhrizlərin bərpası böyük əhəmiyyət kəsb edir
APA-nın Zəngilana ezam olunmuş müxbirinin xəbərinə görə, bunu Cəbrayıl rayonunda mövcud kəhriz sistemlərinin monitorinqi və bərpası məsələsi ilə bağlı Cəbrayıl, Qubadlı və Zəngilan rayonlarında Azərbaycan Prezidentinin Xüsusi Nümayəndəliyinin böyük məsləhətçisi, Ekoloji məsələlər üzrə işçi qrupun üzvü Nərgiz Qaracayeva Zəngilan şəhərində işğaldan azad edilmiş ərazilərində məsələlərin mərkəzləşdirilmiş qaydada həll edilməsi üçün yaradılmış Əlaqələndirmə Qərargahının nəzdində fəaliyyət göstərən İdarələrarası Mərkəzin Ekoloji məsələlər üzrə işçi qrupunun iclasında çıxışı zamanı deyib.
Onun sözlərinə görə, 2024-cü ildə Horovlu kəndində beş kəhriz bərpa edilib:
"İşğaldan azad olunmuş ərazilərdə kəhrizlərin bərpası böyük əhəmiyyət kəsb edir. Çünki onlar dayanıqlı su mənbələridir. Horovludakı kəhrizlər regionda bərpa olunan yeganə kəhrizlərdir. Həmin kəhrizlərin su həcmi Horovlu kənd əhalisinin ilkin mərhələdə su ehtiyacını ödəyə bilər".
N.Qaracayeva bildirib ki, kəhrizlərin bərpası üçün aidiyyatı qurumlarla birgə fəaliyyət planı hazırlamaq olduqca önəmlidir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
