Heyvanlar üçün sığınacaqların yaradılması ilə bağlı qaydalar işlənməlidir.
APA xəbər verir ki, bunu Ekologiya və Təbii Sərvətlər Nazirliyinin Hüquq və insan resursları şöbəsinin müdiri Aynurə Kərimova deyib.
O bildirib ki, sığınacaqların yaradılması və idarə edilməsi üçün qanun layihəsi hazırlanmalıdır.
Şöbə müdiri xatırladıb ki, Azərbaycanda ev heyvanları ilə bağlı Nazirlər Kabinetinin qərarı var və bu qərara uyğun olaraq nəzarət tədbirləri həyata keçirən qurumlar mövcuddur.
Ovçuluq təsərrüfatları ilə bağlı məsələyə də toxunan Aynurə Kərimova ölkədə belə təsərrüfatların sayının on olduğunu deyib: “Onlardan biri respublika, 9-u isə yerli əhəmiyyətlidir. Qanunvericiliyə əsasən, hüquqi statusu saxlanmaq şərti ilə yerli ovçuluq təsərrüfatının istifadəyə və icarəyə götürülməsi mümkündür. Lakin ovçuluq təsərrüfatının istifadəsi zamanı müəyyən tələblər yerinə yetirilməlidir. Dövlət və özəl sektor tərəfdaşlığı haqda qanun hazır olmadığı üçün biz hələlik bu sahədə məhdudiyyətlər yaşayırıq”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
