"Qarabağda sonuncu dəfə 1987-ci ildə olmuşam. Bundan sonra məlum hadisələr səbəbindən bura gəlməmişəm. İndiki səfərimi isə mərhum atamın əvəzindən edirəm. Çünki o, son nəfəsinə qədər Qarabağ arzusu ilə yaşadı".
Bunu APA-ya azad edilmiş ərazilərə səfər edən Gürcüstan Azərbaycanlıları Milli Konqresinin sədri Əli Babayev bildirib.
"Burada gördüklərimi, abadlıq-quruculuq işlərini, ən əsası Qarabağın azadlığını Gürcüstanda atamın məzarı üzərində ona danışacam”, deyə Konqres sədri vurğulayıb.
Ə. Babayev qeyd edib ki, Azərbaycanın qələbəsi Gürücstanda yaşayan azərbaycanlıları çox sevindirib, qürurlandırıb: “Xalqımıza hər zaman sülh və əmin-amanlıq arzulayıram".