Bakı. Gülnar Bəşirova – APA. Bu gün saat 11:00-da ali təhsil müəssisələrinə 2013/2014-cü tədris ili üçün keçirilən qəbul imtahanlarının nəticələrinə əsasən müsabiqə şərtlərini ödəyən abituriyentlərin ixtisas seçimi başa çatıb. Tələbə Qəbulu üzrə Dövlət Komissiyasının mətbuat xidmətinin rəhbəri Elnur Nağızadə APA-ya açıqlamasında bildirib ki, 36166 abituriyent ixtisas seçimi ərizəsini təsdiqləyib. I qrupda 11447, II qrupda 10292, III qrupda 10711, IV qrupda 3716 nəfər ixtisas seçimi ərizəsini dolduraraq təsdiq edib.
Qeyd edək ki, müsabiqə şərtlərini ödəyən abituriyentlər avqustun 6-dan etibarən internet vasitəsilə ixtisas seçimi edirdilər. Ali məktəblərə qəbulun nəticəsi isə 3 gün ərzində məlum olacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
