Sosial

Ana səhifə

Sosial

“Qafqaz LTD” şirkəti işçilərinin Lənkəranda aksiya keçirməsi təkzib olunub

10 aprel 2013 11:50 (UTC +04:00)

Bakı-APA. Lənkəran şəhər icra hakimiyyəti “Qafqaz LTD” şirkəti əməkdaşlarının etiraz aksiyası keçirməsi barədə mediada gedən xəbərləri təkzib edib. Şəhər icra hakimiyyətindən APA-ya verilən məlumatda bildirilir ki, “Qafqaz LTD”nin 17 nəfər işçisi Lənkəran Şəhər İcra Hakimiyyətinə gələrək icra hakimiyyətinin başçısı tərəfindən qəbul olunmalarını xahiş ediblər. İcra hakimiyyətinin başçısı tərəfindən qəbul olunan işçilər mart ayı üçün əmək haqqının ödənilməsinə və gələcəkdə göstərilən sahədə işlə təmin olunmalarına köməklik olunmasını xahiş ediblər.

Şəhər icra hakimiyyətinin başçısı Taleh Qaraşov “Qafqaz LTD”nin rəhbərliyi ilə əlaqə saxlayıb və işçilərin mart ayı üçün əmək haqqının yaxın günlərdə ödənilməsi və işlər “Azərinşaat MM”-yə təhvil veriləndən sonra da onların həmin təşkilatda işləməkdə davam edəcəklərini razılaşdırıb.

Qəbulda iştirak edən vətəndaşlar onların qaldırdıqları məsələlərin həllindən razılıqlarını bildiriblər.