Bakı. Gülnar Bəşirova - APA. Avqustun 18-dən ali məktəblərin boş qalan (vakant) yerlərinə başlayan ixtisas seçimi davam edir. TQDK-nın mətbuat xidmətinin rəhbəri Elnur Nağızadənin APA-ya verdiyi məlumata görə, bu gün saat 14.30-a qədər 5843 nəfər ixtisas seçimi edib.
Onlardan 1619-u I qrup, 770-i II qrup, 2935-i III qrup, 519-u isə IV qrupa sənəd verən abituriyentlərdir.
Qeyd edək ki, ali təhsil müəssisələrinin boş qalan (vakant) yerlərinin siyahısı “Abituriyent” jurnalının 7-ci sayında dərc olunub. Həmin yerlərə ixtisas seçimi 22-dək internet vasitəsilə aparılır.
Abituriyentlər elektron ərizədə ali təhsil müəssisələrinin boş qalan plan yerlərinin ixtisasları ilə yanaşı orta ixtisas məktəblərinin ixtisaslarının da kodlarını göstərə bilərlər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
