APA-nın məlumatına görə, bu fikirləri bu gün keçirdiyi mətbuat konfransında Azərbaycan Milli Elmlər Akademiyasının (AMEA) prezidenti Akif Əlizadə söyləyib.
Akif Əlizadə deyib ki, bununla bağlı proqramlar hazırlanmaqdadır: “Dövlət başçısı tərəfindən AMEA-ya 10 milyon manata qədər vəsait ayrılıb və institutlarda maddi-texniki baza qurulur. Dövlət başçısına müraciət etdik və AMEA-ya yarım milyon manat vəsait də ayırdı. Bu vəsait hesabına diplom müdafiəsi ərəfəsində olan gənclərimiz Avropada müvafiq müasir avadanlıqlardan istifadə edə bilirlər”.
AMEA prezidenti elmi tədqiqatlar üçün yüzlərlə qrantların sərf olunduğunu da deyib. Onun sözlərinə görə, hazırda AMEA-da beynəlxalq qrantlardan daha çox istifadə edilir: “Bu rəqəm minə yaxındır. Əlbəttə, Prezident yanında Elmin İnkişafına Dəstək Fondundan da kifayət qədər vəsait ayrılır”.
A. Əlizadə AMEA-nın qorunub saxlanması və inkişafının vacibliyindən də danışıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
