Sosial

Ana səhifə

Sosial

Dövlət Baytarlıq Xidməti: “Aran rayonlarında mal-qara arasında müşahidə olunan xəstəlik virus mənşəlidir və insana keçmir” - FOTO - VİDEO

Dövlət Baytarlıq Xidməti: “Aran rayonlarında mal-qara arasında müşahidə olunan xəstəlik virus mənşəlidir və insana keçmir” - <span style="color: red;">FOTO - <span style="color: red;">VİDEO

19 avqust 2013 09:47 (UTC +04:00)

APA-nın məlumatına görə, bu fikirləri Dövlət Baytarlıq Xidmətinin rəisi Siyalə Rüstəmova keçirdiyi mətbuat konfransında deyib. Onun sözlərinə görə rayonlarda iribuynuzlu mal-qara arasında qanın qatılaşması, bədən hərarətinin dəyişkən olaraq qalxması ilə müşahidə olunan xəstəlik yayılıb: “Dövlət Baytarlıq Xidmətinin nümayəndələri diaqnoz qoyulması üçün həmin mal-qaradan qan nümunələri, selik yaxmaları götürülüb və bu nümunələr laboratoriyamızda müayinə edilib. Müayinələrin nəticəsinə əsaslanıb bildirmək istəyirik ki, bu virus xəstəliyidir. Bu xəstəlik insana yoluxmur. Heyvandan heyvana yalnız ağcaqanadlar, qansoran həşəratlar vasitəsi ilə keçə bilər. Xəstəlik nəticəsində balasalma, ölü bala doğulması, sinir sisteminin pozulması müşahidə edilir. Hal-hazırda 17 Aran rayonunda bu xəstəlik mövcuddur. Dövlət Baytarlıq Xidmətinin nümayəndələri, eləcədə Rayon Baytarlıq İdarələrinin əməkdaşları gücləndirilmiş iş rejimində çalışaraq bu xəstəlik müşahidə olunan heyvanları 3 gün ərzində vena daxili simptomatik müalicə ediblər. Bu virus müalicəyə tabe olur. Aran rayonlarında heyvanların 20 faizi bunyavirus ailəsinə məxsus virusa yoluxub. Yayılan bu xəstəlik nəticəsində 23 heyvan bala salıb. 7 heyvan ölüb ki, bunlarda da ikili xəstəlik müşahidə edilib. Həmin heyvanlar qızdırma xəstəliyindən ölüblər”.