Bakı. Ülkər Qasımova – APA. Azərbaycan mədəni-ictimai fikir tarixinin görkəmli şəxsiyyətlərindən biri, milli mətbuatımızın banisi, böyük maarifpərvər Həsən bəy Zərdabinin Zərdab şəhərindəki ev-muzeyində əsaslı təmir və bədii tərtibat işlərinə başlanılıb. Bu barədə APA-ya Mədəniyyət və Turizm Nazirliyindən məlumat verilib. Bildirilib ki, yenidənqurma işləri Prezident İlham Əliyevin "Həsən bəy Zərdabinin 170 illik yubileyinin keçirilməsi haqqında" (2012-ci il 4 iyun) və "Həsən bəy Zərdabi muzeyində əsaslı təmir və bədii tərtibat işlərinin aparılması haqqında" (2012-ci il 19 iyul) sərəncamlarına əsasən aparılır.
Əsaslı təmir və bədii tərtibat işlərini Mədəniyyət və Turizm Nazirliyi tərəfindən ayrılmış ixtisaslaşmış briqada görür. Muzey zəruri avadanlıqla təchiz olunacaq, ekspozisiyalarla zənginləşdiriləcək, ərazi abadlaşdırılacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
