Bakı. Rəşad Süleymanov - APA. Azərbaycan Prezidenti yanında QHT-lərə Dövlət Dəstəyi Şurasının sabiq prezident Heydər Əliyevin 90 illik yubileyi ilə əlaqədar elan etdiyi beynəlxalq yazı müsabiqəsi yekunlaşıb. Bu barədə APA-ya Şuranın mətbuat xidmətindən məlumat verilib.
Fevralın 15-də elan edilmiş, Azərbaycanın Rusiya, Gürcüstan, Ukrayna, Qazaxıstan, Türkiyə və Rumıniyadakı səfirlikləri vasitəsilə bu ölkələrin ictimaiyyətinə çatdırılmış müsabiqə xəbəri böyük maraq doğurub. Müsabiqə Heydər Əliyevin şəxsiyyəti, beynəlxalq ictimai-siyasi fəaliyyəti, Azərbaycanın həmin ölkələrlə dostluq və əməkdaşlıq əlaqələrində ulu öndərin rolu mövzularını əhatə edib.
Hazırda müsabiqəyə daxil olmuş məqalələr Müsabiqə Komissiyası tərəfindən qiymətləndirmə mərhələsindədir.
Qaliblərin mükafatlandırılması mayın 7-də keçiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
