Sosial

Ana səhifə

Sosial

İsveçrəli tələbələr “İRƏLİ” Gənclik Mərkəzinin qonağı olub - FOTO

İsveçrəli tələbələr “İRƏLİ” Gənclik Mərkəzinin qonağı olub - <span style="color: red;">FOTO

15 iyul 2013 08:12 (UTC +04:00)

Bakı-APA. İsveçrənin Lozanna Federal Politexnik Məktəbində (fr. École Polytechnique Fédérale de Lausanne) təhsil alan 25 tələbə 8-13 iyul tarixlərində Azərbaycanda səfərdə olub. APA-nın məlumatına görə, səfər çərçivəsində heyət SOFAZ, SOCAR Tower, Bakı Olimpiya Stadionu, CRESCENT Tower, Bakı Metropoliteni, Holcim Sement zavodunun iş sistemi ilə yaxından tanış olublar.

İsveçrəli tələbələr həmçinin “İRƏLİ” İctimai Birliyinin nümayəndə heyəti ilə görüşüb. Qonaqlar ilk növbədə “İRƏLİ” Gənclik Mərkəzi ilə yaxından tanış olublar. Gənclərə birliyin məqsədi, strukturu, iş mexanizmi, layihələri barədə geniş məlumat verilib. Eyni zamanda birliyin fəaliyyətini əks etdirən təqdimat göstərilib.

Görüş zamanı qonaqlara Azərbaycan gənclər siyasəti, məqsəd və prinsipləri, istiqamətləri, gənclər sahəsində görülən işlər haqqında ətraflı məlumat verilib.

Gənclər də öz növbələrində onları maraqlandıran sualları ünvanlayıblar. Görüş qarşılıqlı müzakirələr şəklində davam edib və gələcəkdə birgə əməkdaşlıq, layihələr ətrafında fikir mübadiləsi aparılıb.