Bakı. Könül Kamilqızı-APA. Tələbə Qəbulu üzrə Dövlət Komissiyası (TQDK) iyulun 28-də keçirilən 2013/2014-cü tədris ili üçün Azərbaycan Respublikası ali təhsil müəssisələrinə və tam orta təhsil bazasında (11 illik) orta ixtisas təhsili müəssisələrinə IV ixtisas qrupu üzrə qəbul imtahanında istifadə olunmuş test tapşırıqlarının bölmələr və variantlar üzrə düzgün cavabları açıqlayıb. TQDK-nın mətbuat xidmətindən APA-ya verilən xəbərə görə, düzgün cavablar artıq komissiyanın internet saytında yerləşdirilib.
IV ixtisas qrupu üzrə qəbul imtahanının nəticələri isə yaxın 2-3 ərzində açıqlanacaq. Hazırda IV ixtisas qrupu üzrə imtahan vermiş abituriyentlərinin cavab kartlarının emalı aparılır. Bu proses başa çatdıqdan sonra nəticələr qısa müddətdə TQDK-nın internet saytında yerləşdiriləcək. Abituriyentlər imtahan nəticələri barədə məlumatı həmçinin mobil telefonla iş nömrələrini 7727 nömrəsinə göndərməklə öyrənə biləcəklər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
